Monday, February 05, 2007

இந்திய அணியில் மீண்டும் சேவாக்!

இலங்கைக்கு எதிரான ஒரு நாள் தொடர் : இந்திய அணியில் மீண்டும் சேவாக்! இலங்கை அணிக்கு எதிராக நடைபெறவுள்ள ஒரு நாள் கிரிக்கெட் போட்டித் தொடருக்கான இந்திய அணியில் அதிரடி ஆட்டக்காரர் வீரேந்திரர் சேவாக்கும், வேகப்பந்து வீச்சாளர் முனாஃப் பட்டேலும் சேர்க்கப்பட்டுள்ளார்!
தென் ஆப்ரிக்காவில் நடைபெற்ற ஒரு நாள் மற்றும் டெஸ்ட் போட்டிகளில் சரியாக விளையாடாத சேவாக், மேற்கிந்தியத் தீவுகளுக்கு எதிரான ஒரு நாள் தொடரில் நீக்கப்பட்டிருந்தார்.
இந்நிலையில், இலங்கை அணிக்கு எதிராக இந்தியாவில் நடைபெறவுள்ள 4 ஒரு நாள் போட்டிகளில், முதல் 2 ஒரு நாள் போட்டிகளுக்கான இந்திய அணி சற்றுமுன் தேர்வு செய்யப்பட்டது.
தேர்வுக் குழுக் கூட்டத்திற்குப் பின் செய்தியாளர்களிடம் பேசிய தேர்வுக் குழுத் தலைவர் திலீப் வெங்சர்க்கார், இலங்கை அணிக்கு எதிரான முதல் 2 ஒரு நாள் போட்டிக்களுக்கான இந்திய அணியில் வீரேந்திர சேவாக்கும், முனாஃப் பட்டேலும் சேர்க்கப்பட்டுள்ளதாகவும், சுரேஷ் ரெய்னா, கௌதம் கம்பீர், ரமேஷ் பவார் ஆகியோர் நீக்கப்பட்டுள்ளதாகவும் கூறினார்.
சேவாக் ஒரு சிறந்த வீரர். அவருடைய ஆட்டத் திறன் குறையவில்லை, அவருக்கு ஓய்வு தேவைப்பட்டதால் மேற்கிந்தியத் தீவுகள் அணிக்கு எதிரான தொடரில் அவர் இடம்பெறவில்லை என்றும், இலங்கை அணிக்கு எதிரான ஒரு நாள் தொடரில் அவர் நடுக்கள வீரராக களமிறங்குவார் என்றும் திலீப் வெங்சர்க்கார் கூறினார்.
இந்திய அணி :
ராகுல் திராவிட் (அணித் தலைவர்), சச்சின் டெண்டுல்கர், வீரேந்திர சேவாக், சௌரவ் கங்கூலி, யுவராஜ் சிங், மகேந்திர சிங் தோனி, ராபின் உத்தப்பா, தினேஷ் கார்த்திக், இர்ஃபான் பத்தான், ஹர்பஜன் சிங், அனில் கும்ளே, அஜீத் அகார்கர், ஜாஹீர் கான், முனாஃப் பட்டேல், ஸ்ரீசாந்த்.

visit http://tamilparks.50webs.com for more

No comments: